Коронавируснинг янги тури туфайли Италияда вафот этганлар сони 3405 га кўтарилди.
Шундай қилиб, ушбу инфекциядан хитойликларга қараганда Италияда кўпроқ одамлар ўлди. Бу мамлакатда қурбонлар сони 3245 кишига етди.
Бу ҳақда, Италия Фуқаро муҳофазаси департаменти раҳбари Aнжело Боррелига таяниб ANSA хабар бермоқда.
Олинган маълумотларга кўра, сўнгги бир кун ичида Италияда коронавирусдан 427 киши вафот этган.
Шу билан бирга, кунига касалланганлар сони 4,5 минг кишига кўпайди. Ҳозирги кунда ушбу касалликка чалинганларнинг умумий сони деярли 33,2 минг кишини ташкил этади.