Тўғри, айни пайтда ушбу штаммга чалинган беморларнинг шифохонада даволаниши, касалликнинг асоратлар билан кечиши ва ундан ўлим ҳолатлари бироз кам кузатилмоқда. Бироқ бу хотиржамликка берилиш учун асос бўла олмайди.
Афсуски, бугун кўпчилик юртдошларимизнинг каранатин қоидаларига етарли даражада эътибор бермаслиги, вакцина олишга тўғри муносабатда бўлмаётгани, энг ёмони, эмлаш ҳақида ҳали ҳам нотўғри тасаввурда юрган инсонларнинг борлиги мазкур хасталикнинг янада авж олишига туртки бўлаётир.
“O‘zbekiston 24” телеканали “Студия 24” дастури орқали Соғлиқни сақлаш вазирлиги ҳузуридаги Коронавирусга қарши курашиш штаби аъзоси Эъзозбек Ризаев аҳолини яна бир бор огоҳликка чақиради.