Вьетнам президенти Нгуен Суан Фук истеъфога чиқди. Бу ҳақда "Tuoi Tre" нашри хабар бермоқда.
Газетанинг ёзишича, президентнинг истеъфоси Вьетнам Коммунистик партияси Марказий Қўмитаси томонидан маъқулланган. У 2021 йилнинг апрелидан буён мамлакатни бошқариб келаётган эди.
Қайд этилишича, Нгуен Суан Фук ҳукуматдаги коррупция можароси фонида ўз лавозимини тарк этишга қарор қилган. Шундай қилиб, унинг қўл остида икки нафар бош вазир ўринбосари ўз лавозимидан истеъфога чиқди. Шунингдек, икки вазир ва мамлакатнинг кўплаб амалдорлари жиноий жавобгарликка тортилди.
Ўтган йилнинг 15 декабрь куни Вьетнам АҚШ мудофаа компаниялари вакиллари билан жанговар учувчисиз учоқлар ва вертолётлар сотиб олиш бўйича музокаралар олиб бораётгани хабар қилинган эди. Ханой шунингдек, Исроил, Ҳиндистон, Европа ва Осиёдаги мудофаа компаниялари билан янги шартномалар тузишни кўриб чиқмоқда.