Космик тадқиқотлар агентлиги ва Ёшлар ишлари агентликларига директор ўринбосарлари тайинланди

Космик тадқиқотлар агентлиги ва Ёшлар ишлари агентликларига директор ўринбосарлари тайинланди

Ҳукумат қарори (435-сон, 10.07.2020 й.) билан, Ёшлар ишлари агентлиги директорининг ўринбосарлари тайинланди.

  • Сарвар Ғаниевич Ашуров Ёшлар ишлари агентлиги директорининг биринчи ўринбосари лавозимига;
  • Дилнозахон Собир қизи Каттаханова Ёшлар ишлари агентлиги директорининг ўринбосари лавозимига тайинланди.

Шунингдек, ҳукумат қарори (436-сон,10.07.2020 й.) билан Шухрат Мунавварович Кадиров Ўзбекистон Республикаси Вазирлар Маҳкамаси ҳузуридаги Космик тадқиқотлар ва технологиялар агентлиги бош директорининг биринчи ўринбосари лавозимига тайинланди ва унга агентлик директори вазифасини бажариш юклатилди.

Эслатиб ўтамиз, Агентлик Президентнинг 2019 йил 30 августдаги ПФ-5806-сонли Фармони билан ташкил этилган бўлиб, космик тадқиқотлар ва технологиялар соҳасида ягона давлат сиёсати ва стратегик йўналишларни ишлаб чиқиш ва амалга ошириш  Агентликнинг асосий вазифаларидан бири ҳисобланади.