Латвия Ташқи ишлар вазирлиги Ўзбекистондаги ривожланиш лойиҳаларини қўллаб-қувватлаш учун тўртта грант ажратди, деб хабар беради «Дунё» ахборот агентлиги.
Ажратилган ёрдамнинг умумий миқдори тахминан 400 минг еврони ташкил қилади. Грантлар 2022-2023 йилларда техник жиҳатдан тартибга солиш, рақамлаштириш, гендер тенглиги ва озиқ-овқат хавфсизлиги каби соҳаларда амалга оширилади.
2022 йилда Латвия Европа Иттифоқининг бир қатор Шарқий ҳамкорлик мамлакатлари ва Марказий Осиёдаги устувор ҳамкор мамлакатларига қарийб 1 миллион евро миқдорида грант маблағларини ажратишни маъқуллади, бу ўтган йилга нисбатан тўрт баробар кўпдир.