Ливандаги портлаш қурбонлари 78 нафардан ошди (видео)

Ливандаги портлаш қурбонлари 78 нафардан ошди (видео)

Кеча 4 август куни Ливан пойтахти Байрут шаҳрида даҳшатли портлаш юз берди. Портлаш ўчоғи 6 йилдан буён портловчи моддалар сақланаётган омбор дейилмоқда. Мамлакат ички ишлар вазирлигининг айтишича, аммиак селитра омборида портлаш юз берган.

Ливан Бош вазири Ҳассан Диябнинг маълум қилишича, 2750 тонна аммиак селитрасини сақлаш хавфсизлик қоидалари бузилгани оқибатида ёнғин, сўнг кучли портлаш юзага келган. 

Портлаш оқибатида 78 киши вафот этди ва 4000 киши жароҳатланган. Ливан 3 кунлик мотам эълон қилди.

Портлаш оқибатлари бутун шаҳар бўйлаб сезилган. Бинолар ойналари синиб кетган. Портлаш ҳатто 240 чақирим узоқда Кипрда ҳам сезилган.