Лондонда масжиддаги инсонларга болға билан ҳужум қилмоқчи бўлган киши қўлга олинди

Лондонда масжиддаги инсонларга болға билан ҳужум қилмоқчи бўлган киши қўлга олинди

Британия полицияси Лондонда жойлашган масжидлардан бирида болға билан қуролланган кишини қўлга олди. Бу ҳақда РИА Новости хабар қилди.

“Полиция душанда куни соат 4-33 да масжидга, Саутхолледа боғла билан қуролланган шахс борлиги ҳақида хабар билан чақиртирилди...”, - дейилган хабарда.

Таъкидланишича, 38 ёшли эркак кишиларга ҳужум қилмоқчи бўлган. Полиция етиб келгунига қадар у масжиддаги кишилар томонидан қўлга олинди.  

“Кишиларга оғир жароҳат етказишга ҳаракат қилишда гумонланган киши қўлга олинди ва Лондон ғарбий қисмида жойлашган полиция участкасига олиб келинди”, - дейилган полиция хабарида.

Полиция бу ҳодисани терроризмга боғлашмаяпти. Ҳуқуқ тартибот орган ходимлари сўзларига кўра, бир кун аввал эркак ва масжидга келган кишилар ўртасида келишмовчилик бўлган.

1