Беларус президенти Александр Лукашенко жума кунги музокараларда Россия давлат раҳбари Владимир Путин билан Россия нефтини чегирмали нархда сотиб олишга келиша олмади.
Якшанба куни Минск нефтни жаҳон бозори нархларида сотиб олишини маълум қилди.
Жаҳон бозори нархида ҳисоб-китоб қилинадиган рус нефтининг биринчи партияси март ойида етказиб берилади.
Беларус нафақат Россия нефт бозорининг йирик иштирокчилари билан, балки ўзи учун қулай шароитда етказиб бера оладиган ихтиёрий субьект билан шартнома тузади.
Мавзуга доир: Лукашенко Россияга: «Оҳ, Помпео келди» деб қичқирманг. Эртага Трамп келади
Россия ва Беларус бир неча ойлардан бери 2020 йилда Беларусга нефт етказиб бериш тўғрисида музокаралар олиб бормоқда. Минск нефтни Россия ички бозорида сотилаётган нархда етказиб берилишини сўради, бироқ Беларус билан амалга ошмаётган иқтисодий интеграция фонида Россия бундай таклифларга рози бўлмади.
Аввалроқ, Минск Россия нефти учун муқобил вариантни Европанинг шимолидан излаган эди.
АҚШ давлат котиби Майкл Попеонинг Европа ва Марказий Осиё бўйлаб турнеси чоғида ҳам америкалик расмий Минскка ўз энерготашувчиларининг хизматини таклиф қилган эди.
Айни чоғда, ўтган январ ойида нефт ўзининг 30 йиллик тарихий минимум нархига тушган эди. Сабаб коронавирус хавфи туфайли энг йирик нефт импортёрларидан бири бўлган Хитой иқтисодиётининг учдан икки қисмининг ишламай тураётгани.