Маданият вазири бир вақтнинг ўзида институт ректори этиб тайинланди

Маданият вазири бир вақтнинг ўзида институт ректори этиб тайинланди

Фото: president.uz

Ўзбекистон маданият вазири — Юнус Ражабий номидаги Ўзбек миллий мусиқа санъати институти ректори лавозимига Озодбек Назарбеков тайинланди, дея хабар беради Маданият вазирлиги ахборот хизмати.

Аввалроқ Ўзбекистон давлат консерваториясининг Ўзбек мақом санъати факультети ҳамда Ўзбекистон давлат санъат ва маданият институтининг тегишли таълим йўналишлари ва мутахассисликлари негизида Юнус Ражабий номидаги Ўзбек миллий мусиқа санъати институти ташкил этилиши ҳақида хабар берилган эди. Ушбу олий ўқув юрти 26 июнь куни эълон қилинган президент қарорига кўра мақом ижрочилиги, халқ мусиқаси йўналишлари бўйича кадрлар тайёрловчи Маданият вазирлиги тизимидаги олий таълим муассасаси бўлиши кўзда тутилган.

Озодбек Назарбеков эндиликда бир вақтнинг ўзида маданият вазири ва ректор вазифасини бажарадиган бўлди, дея изоҳ берди вазирлик.