Маданият вазирлиги Шароф Рашидовга тегишли буюмларни харид қилади
20.10.2017 15:27,
15
Маданият вазирлиги давлат арбоби Шароф Рашидовга тегишли буюмларни харид қилади. Бу ҳақда вазирлик ахборот хизмати хабар беради.
Хабарда қайд этилишича, Президентнинг “Атоқли давлат арбоби ва ёзувчи Шароф Рашидов таваллудининг 100 йиллигини нишонлаш тўғрисида”ги қарори ижросини таъминлаш мақсадида Шароф Рашидовнинг ёрқин хотирасини абадийлаштириш мақсадида “Шароф Рашидов” номли музей очилиши режалаштирилган.
Мазкур музейни янада бойитиш учун атоқли давлат арбобининг шахсан ўзига тегишли бўлган фотосурат, совға тариқасида ҳадя қилинган буюмлар, дастхатлари туширилган китоблар ва бошқа воситалар вазирлик томонидан харид қилинади.