Марғилонга янги ҳоким тайинланди

Марғилонга янги ҳоким тайинланди

Бугун халқ депутатлари Марғилон шаҳар кенгашининг навбатдан ташқари сессияси бўлиб ўтди. Унда ташкилий масала кўрилди.

Марғилон шаҳар ҳокими Мирзоҳид Убайдуллаев бошқа ишга ўтганлиги муносабати билан вазифасидан озод этилди ва Фарғона вилоят ҳокими Ш.Ғаниевнинг қарорига кўра Адҳам Тўхтасинович Зиявитдинов Марғилон шаҳар ҳокими этиб тайинланди.

Ушбу қарор халқ депутатлари Марғилон шаҳар кенгаши сессияси томонидан тасдиқланди.

А.Зиявитдинов бунга қадар Қувасой шаҳар ҳокими бўлиб ишлар эди.