Машҳур инсонларнинг Twitter саҳифалари бузиб кирилди

Машҳур инсонларнинг Twitter саҳифалари бузиб кирилди

Кеча Илон Маск ва Жефф Безосдан Барак Обама ва Жо Байденга қадар ўнлаб машҳур инсонларнинг Twitter саҳифаларига хакерлик ҳужуми уюштирилди

Саҳифаларга киришга муваффақ бўлган фирибгарлар ёмон мақсадларга интилишди ва ибтидоий равишда ҳаракат қилишди: ҳар бир ҳисобда, суммани икки баравар қилиб қайтариш эвазига биткоинларни юбориш чақириғи янгради. Агар уларнинг мақсадлари сиёсий бўлганида, зарар ниҳоятда оғир бўлиши мумкин эди.

Ижтимоий тармоқнинг хабарига кўра, тажовузкорлар Твиттернинг ички тизимларига компания ходимларига "ижтимоий муҳандислик усулларидан фойдаланган ҳолда мувофиқлаштирилган ҳужум" ёрдамида киришга муваффақ бўлишган.

Twitter бузиб кирилган саҳифаларни дарҳол блоклади ва бошқа саҳифаларнинг, шу жумладан барча тасдиқланган аккаунтларнинг ишлашини чеклади. 

Ижтимоий тармоқ ички хавфсизлиги ҳам сезиларли даражада оширилди.

Twitter ички интерфейсининг скриншотлари очиқ манбаларга тарқаб кетди - интерфейс маъмурларга хизмат фойдаланувчисига имтиёзлар, шу жумладан бириктирилган электрон почтани ўзгартириш имконияти беради.

"Твиттерда ҳаммамиз учун оғир кун. Бу воқеадан ҳаммамиз даҳшатдамиз ”, - деб ёзди компания асосчиси Жек Дорси. 

Пайшанба куни дастлабки савдоларда Твиттернинг котировкалари 5 фоизга тушиб кетди.

Ҳужумнинг оқибатлари жиддийроқ бўлиши мумкин эди: назарий жиҳатдан хакерларда Доналд Трампнинг саҳифасига кириш ва масалан Хитойга "уруш эълон қилиш" имконияти бор эди. Ҳужум ҳақида маълумот олганидан бир соат ўтгач, Твиттернинг узоқ вақтдан бери мухолифи бўлган республикачи сенатор Жош Хаули Дорсидан президентнинг ҳисоби бузилган ёки бузилмагани ҳақида хабар беришни ва дарҳол ФҚБ билан боғланишни талаб қилди.

TechCrunch нашри ҳужумни "Кирк" лақабли таниқли хакер номи билан боғлади. Нашрнинг таъкидлашича, тўғридан-тўғри алданган фойдаланувчилар унга 13 биткоин ёки 100 минг долларни ўтказишган.