2022 йил 13 июль куни «Ўзбекистон Республикасининг Солиқ кодексига қўшимча ва ўзгартишлар киритиш тўғрисида»ги ЎРҚ-783-сон Қонуни кучга кирди.
Қонунга асосан, махсус иқтисодий зоналарнинг иштирокчилари фойда солиғини тўлашдан ўзи киритган инвестициялар ҳажмига қараб:
3 млн АҚШ долларидан 5 млн АҚШ долларигача бўлган миқдордаги инвестициялар учун — 3 йил муддатга;
5 млн АҚШ долларидан 15 млн АҚШ долларигача бўлган миқдордаги инвестициялар учун — 5 йил муддатга;
15 млн АҚШ доллари ва ундан юқори миқдордаги инвестициялар учун — 10 йил муддатга озод этилади.
Солиқ кодекснинг 473-модда имтиёзларнинг амал қилиш муддати махсус иқтисодий зона ҳудудида ишлаб чиқариш (хизматлар кўрсатиш) объекти фойдаланишга қабул қилинган санадан эътиборан ҳисобланади.
махсус иқтисодий зона иштирокчилари фақат 3 турдаги:
мол-мулк,
ер солиғи,
сув ресурсларидан фойдаланганлик учун солиқдан озод этилган эди.
Шу билан бирга, махсус иқтисодий зоналарнинг иштирокчилари томонидан фойда солиғи бўйича имтиёзларнинг 2020 йил 1 январдан кейин фойдаланилмай қолган қисми 2020 йил 1 октябрга қадар махсус иқтисодий зоналар иштирокчиларининг реестрига киритилган иштирокчиларга нисбатан улар томонидан киритилган, 2020 йил 1 январга қадар амалда бўлган қонунчилик ҳужжатларида назарда тутилган инвестицияларнинг ҳажмига қараб, мазкур иштирокчилар реестрга киритилган пайтдан эътиборан 3 йилдан 10 йилгача бўлган муддатга тўлиқ қўлланилади.
Бироқ ушбу қоида Солиқ кодекси 473-моддасининг иккинчи қисмида назарда тутилган фойда солиғи бўйича имтиёзларнинг амал қилиш муддатига нисбатан татбиқ этилмайди.