Ўзбекистон Туризмни ривожлантириш қўмитаси 5 сентябрга қадар, меҳмонхона, ресторан ва транспорт воситаларида чегирмалар эълон қилди.
“Туризмни ривожлантириш давлат қўмитаси тадбиркорлик субъектлари билан ҳамкорликда Ўзбекистон мустақиллигининг 28 йиллиги муносабати билан жорий йилнинг 5 сентябрь кунига қадар юртимиздаги 200 га яқин жойлаштириш воситалари (меҳмонхоналар ва оилавий меҳмон уйлари), 80 дан ортиқ транспорт воситалари (автобус, микроавтобус ва енгил автомобиллар) ҳамда 110 дан ортиқ умумий овқатланиш шохобчалари (кафе, ресторанлар ва б.) учун чегирмалар жорий этилганлигини маълум қилади”, - дейилган хабарда.
Бироз олдин, Туризмни ривожлантириш қўмитаси 2020 йилга қадар Ўзбекистонга визасиз келиши мумкин бўлган давлатлар сони 85тага етишини эълон қилди.