Мексикадаги қурилиш майдонида 60 тача мамонт суяги топилди

Мексикадаги қурилиш майдонида 60 тача мамонт суяги топилди

Мексикалик олимлар янги аэропорт қурилиш жойидан мамонт қолдиқлари ва испанлар босқинига қадар бўлган даврга тегишли дафн қилинган одамлар жасадини топдилар. Бу ҳақда Мексика антропология ва тарих миллий институтига таяниб "Газета" нашри хабар бермоқда.

Қайд этилишича, мутахассислар 15 кишининг скелетлари ва 60 га яқин мамонтларни топдилар. Улар аллақачон қолдиқларни қайта тиклашган ва ундан Мексика ҳавзаси эволюциясини ўрганишни режалаштирмоқдалар.

Топилган одамлар, археологлар фикрича, деҳқонлар бўлишган. Улар аҳоли пункти яқинига қозонлар ва лой ҳайкалчалар билан бирга дафн этилган. Топилган сопол буюмлар ушбу манзилгоҳ эрамизнинг VIII-X асрларига тааллуқли эканлигини кўрсатади.