«Уйингиз сиз ким эканлигингизни кўрсатиши ва ўзингиз ёқтирган нарсангизни сақлаши керак» 
Нейт Беркус 

– Бундан 15-20 йил аввал кўпчиликнинг хонадонларидаги мебеллар бир хил эди. – дейди мебель фабрикаси асосчиси, республика бўйлаб машҳур «AMAN» бренди яратувчиси Абдумавлон Абдугаппаров – Кўникиб кетилган қолиплар, бир хил шакллар, максимум 2-3 модификация. Агар сиз ўша пайт уйингизга ўзига хослик берадиган, интерер орқали кимлигингизни ифодала оладиган оригинал мебелни топишни хоҳлаб бозорга чиқган бўлганингизда ҳамма жойда ҳамма нарса бир хил эканлигига дуч келган бўлардингиз, бу ҳақиқий муаммо эди. Шу билан бирга, одамлар мебелга жуда муҳтож эди! Нима бўлишидан қатъий назар, одамларимиз мебелларни доимо сотиб олиб турар эди.

Шунинг учун мен одамларга ёқадиган, уларни хурсанд қиладиган, уларнинг характери, қизиқишларига мос келадиган мебелни ишлаб чиқарадиган ўз фабрикамни ташкил этишга қарор қилдим ва ниҳоят 2014 йилда «AMAN» бренди пайдо бўлди. Бизнес юритишда биз ҳар доим учта асосий қоидага амал қилганмиз: 

1) Жамоа бу ўз ишини севадиган одамларнинг ягона оиласи; 
2) Мижозларга эътибор қаратиш – тинглаш ва таҳлил қилиш; 
3) Замонавий ёндашув ва мослашувчанлик.

Ушбу тамойиллар туфайли фабрикамиз ўзининг 10 йиллик фаолияти давомида Тошкент ва Андижон шаҳарларида умумий майдони 3000 квадрат метрдан ортиқ бўлган 5 та цехга кўпайди. Ойига 400-500 дона мебель гарнитурларни ишлаб чиқарамиз. Биз Қозоғистон, Қирғизистон, Тожикистон, ҳаттоки АҚШ каби мамлакатларга экспорт қиламиз ва ҳозирда Россияга экспортни йўлга қўйиш устида ишлаяпмиз. Ўз веб-сайтимиз https://aman.uz/ ва мобил иловамизни ишлаб чиқдик.

– Рақобатга қандай дош бера олдингиз? Нима учун айнан «AMAN» брендга айлана олди, у рақобатчилардан нимаси билан ажраб туради?

– Пандемия бошланишини эслайсизми? Ҳамма уйда эди, кўчалар бўм-бўш, лекин бу одамлар янги оилалар яратишни, кўчмас мулк сотиб олишни ва янги мебелларга муҳтож бўлишни тўхтатди дегани эмас эди. Аксарият мебель дўконлари ўз ишини тўхтатди, тўғри, лекин биз дарҳол онлайн савдони йўлга қўйдик ва шу билан қаердадир «Мен афсонаман» фильмидаги Wилл Смитга ўхшаб кетдик:

«Биз «AMAN» мебель фабрикасимиз. Биз ягона ишлаб турган мебель фабрикасимиз. Биз ўрта тўлқинли частоталарда узатамиз. Ҳар куни пешин вақтида, қуёш ўз чўққисига чиққач, сайтимизда яна бир замонавий мебель гарнитурни тақдим этамиз. Агар бизни эшитсангиз, кимдир эшитса, бизда мебеллар бор, зал, ётоқхона ва болалар хоналари учун гарнитурлар бор. Биз сизга юқори сифат ва етказиб бериш хизматини таъминлай оламиз. Агар кимдир бизни эшитса, кимдир. Илтимос. Сиз ёлғиз эмассиз».

Мана шундай қилиб бренднинг тан олиниши бошланди. Бундан ташқари, истеъмолчилар бизнинг ноёб устунлигимизни жуда юқори баҳолашди: бизда олдиндан тўлов умуман йўқ, тўловни 100 % мебелларни ўрнатишдан кейин оламиз. Мен аванссиз ишлайдиган бошқа бундай цех-заводларни билмайман. Шунингдек, бизда мебелни исталган шаҳарга етказиб беришнинг энг қисқа муддати бор, бир кундан ортиқ эмас. Сиз бизнинг мобил иловамизда ёки сайтимизда мебелни бугун танласангиз, эртагаёқ у уйизингизда бўлади.

Биз доимий равишда барча йўналишлар устида ишлаймиз: истеъмолчиларнинг дидини таҳлил қиламиз, маҳсулот сифатини оширамиз, ўзимизнинг янги стилларимиз ва юқори талабга эга гарнитураларнинг янги модификацияларини ўйлаб топамиз, халқимиз учун янада кўпроқ қулайлик яратиш учун Ўзбекистоннинг бошқа шаҳарларида ҳам янги дўконлар очмоқчимиз.  Зеро ҳалқни рози қилиш бу бизнинг асосий мақсадимиз. 
– Қизиқарли интервю учун раҳмат! 

А.Жумабаева суҳбатлашди