Немис Mercedes-Benz концерни Американинг Google корпорацияси билан ўз автомобилларида навигация тизимини яратиш учун ҳамкорлик қилади, ёзади Reuters.

Google билан ҳамкорликдан Mercedes-Benz ҳайдовчиларни йўл ҳаракати тўғрисидаги долзарб маълумотлар ва энг яхши йўналишларни таклифи билан таъминлашни кутишмоқда.

Ҳайдовчилар, шунингдек, автомобиллари тўхтаб турганда ёки автоматик бошқарув остида YouTube видеоларини томоша қилишлари мумкин бўлади.

Шу каби хизматларни автоматик ҳаракат сенсори ўрнатилган автомобилларда ҳам амалга ошириш режалаштирилган. Mercedes-Benz компаниясининг фикрига кўра, тажриба компьютердан фойдаланишда олинадиган тажрибага ўхшаш бўлади.

Нашрнинг таъкидлашича, янгилик Mercedes-Benz компаниясининг Американинг Tesla ва Хитой автомобиль ишлаб чиқарувчилари билан рақобатлашишга уринишлари билан боғлиқ.

Mercedes-Benz премиум автомобиллар, юк машиналари, автобуслар ишлаб чиқарувчи немис ишлаб чиқарувчиси. Бренд қиймати 2023 йил учун 58,8 миллиард долларга баҳоланган. Ушбу параметр бўйича у дунёда Tesla'дан кейин иккинчи ўринда туради.

Google — Alphabet холдингига кирувчи Америка компанияси. У булутли ҳисоблаш, интернет қидируви ва реклама технологияларига сармоя киритади. YouTube видео хизмати эгаси.