Валюта курси: Ўз.Р.Марказий банки
USD
АҚШ доллари
EUR
Eвро
RUB
Россия рубли
Sayt test rejimida ishlayapti!!!

Сўнгги янгиликлар






Месут Ўзил: “Германияда мени ҳурмат қилишлари керак”
17.10.2019 23:21,  
214

Ўн беш ойча аввал футбол бўйича Германия терма жамоасини тарк этган Месут Ўзил немис Футбол федерациясидан ва собиқ жамоадошларидан хафалигини яна бир бор таъкидлади. Шунингдек, у Туркия президенти Ражаб Тоййиб Эрдоған билан тушган расми ҳақида ҳам гапирди.

“Ўша расмдан кейин энди ҳимояланмаётганимни, менга ҳурмат кўрсатилмаётганини ҳис қилдим. Ҳатто сиёсатчилар ва таниқли кишиларнинг ирқчилигига учрадим. Шунга қарамай немис терма жамоасидан ҳеч ким: “Ҳой, бас қилинглар. У бизнинг ўйинчимиз”, демади. Бўлган воқеаларни ҳамма жимгина кузатди”, – деди Ўзил The Athletic порталига берган интервьюсида.

Месут Ўзил ҳамда яна икки турк футболчи – Илкай Гундоған ва Женк Тосун 2018 йилнинг майида Лондонда президент Эрдоған билан учрашган, ҳаммалари биргаликда расмга тушган эди. Ўша йилнинг 24 июнида – Туркиядаги сайлов арафасида Эрдоған билан бирга расмга тушгани учун Ўзил танқидлар нишонига айланди.

“У ҳали ҳам Туркиянинг президенти. Бу лавозимда ким бўлишидан қатъи назар, уни ҳурмат қиламан”, – дея изоҳлади футболчи.

Ўзининг айтишича, тўққиз йиллик фаолиятдан кейин немис терма жамоасидан кетиши тўғри қарор бўлган.

“Одамлар мени яхши кўрсин демаяпман. Лекин Германия учун қилган ишларимдан кейин мени ҳурмат қилишлари керак”, – деди Месут Ўзил.

Тавсия этамиз






Тавсия этамиз

Ҳар доим хабардор бўлинг!

carzone.uz мобил иловаларини кўчириб олинг ва барча янгиликлар сиз билан