Флойд Мейвезер бокс шафқатсиз спорт эканини, унга қайтмаслигини маълум қилди
21.11.2019 13:37,
178
5 та вазн тоифасида собиқ жаҳон чемпиони Флойд Мейвезер боксга қайтмаслигини маълум қилди.
«Мени спортга, биринчи навбатда боксга қайтишга ундашмоқда. Бокс — шафқатсиз спорт. Охирги йилларда бир қанча йигитлар рингда вафот этди. Қўлқопни қачон михга илишни ҳам билиш керак. Менинг карьерам жуда самарали бўлган.
Ҳалигача кўргазмали жанглар ўтказиш учун жаҳон кезаман. Бу билан мен 10-30 миллион доллар даромад қиламан. Мен ҳозирги боксчилардан кўра кўпроқ пул топаман», — деди Мейвезера BoxingScene‘га берган интервьюсида.
Флойд профессионал фаолияти давомида 50 та жанг ўтказиб, уларнинг барчасида ғалабда қозонган.