Microsoft’нинг киберхавфсизлик бўйича мутахассислари 2020 йилнинг 26 январида авиаҳалокатда вафот этган машҳур баскетболчи Кобе Брайтнинг сурати туширилган Windows экран фонида зарарли HTML файлни топишди. Бу ҳақда Microsoft Security Intellegence’нинг Твиттер саҳифасида хабар берилди.
Зарарли файл Monero (XRP) криптовалютасини майнинг қилиш имконини берувчи CoinHive хизмати скриптига яширилган. Хизмат хакерлар орасида машҳур эди, бироқ 2019 йилнинг март ойига келиб у ўз фаолиятини тўхтатган.
“Дунё NBA афсонасининг ўлимидан аза тутаётган бир пайтда, кибержиноятчилар ушбу фожиадан фойдаланмоқдалар”, — дейилади твитда.
Monero энг машҳур криптовалюталардан бири бўлиб, бугунги кунда капитализацияси $10 млрддан ошади. Бозор баҳосига кўра XRP Bitkoin ва Efir'дан кейин учинчи ўринда туради.