Мигрантларга Россиядан чиқмасдан патентни қайта расмийлаштиришга рухсат берилди
18.04.2020 09:49,
262
Россия Федерациясида патент асосида ишлайдиган визасиз мамлакатлардан келган чет элликлар мамлакатдан чиқиб кетмасдан уни узайтиришлари мумкин. Бу ҳақда Ўзбекистон Ташқи меҳнат миграцияси агентлиги матбуот котиби хабар бермоқда.
Янги тартиб Давлат Думаси томонидан соғлиқни сақлаш ва коронавирус инфекцияси тарқалишининг олдини олиш мақсадида қабул қилинган қонун лойиҳаси билан тартибга солинади.
Эндиликда меҳнат мигрантлари бир ойдан ўн икки ойгача бўлган муддат учун патент олиш ва уни мамлакатдан чиқмасдан қайта расмийлаштириш имкониятига эга бўлишди. Яъни, меҳнат мигранти Россия Федерациясида икки йил давомида кетмасдан ишлаши мумкин.