Март ойининг биринчи ярмида сўм алмашув курси ўзининг энг юқори даражасига етиб, йил бошидан 6,8%гача қадрсизланди. Бу ҳақда Марказий банк маълумотларида келтирилган.

Март ойининг иккинчи ярмидан бугунги кунга қадар эса 5,2%га мустаҳкамланди.

Натижада, сўмнинг АҚШ долларига нисбатан йил бошидан қадрсизланиши 1,2%га тенг бўлди.

Марказий банкга кўра, АҚШ валютаси курси 21 июль куни 8 сўм 15 тийинга пастлаб, 10 899 сўмга етди.

Шу тарзда Америка валютаси охирги 4 кун ичида камайиши 80 сўмдан ошди.