Беларус пойтахти Минск яна намойишларга "мезбонлик қилди". Бу сафарги намойишлар 9 августда бўладиган президентлик сайловларида амалдаги президент Александр Лукашенкога ягона мухолифлик қилаётган Светлана Тихановскаяни қўллаб-қувватлаш учун ташкил қилинди. «Баҳор» (Весна) ҳуқуқни ҳимоя қилиш маркази маълумотларига кўра, унда 63 минг киши иштирок этган.
Маҳаллий Tut.by нашри хабарига кўра, "Халқлар дўстлиги" боғида "ташвиқот пикети" қатнашчилари тўпланишди. Акция концерт шаклида бўлиб, соат 18:00 да бошланди, аммо баъзи иштирокчилар олдинроқ келишди.
"Бизнинг кузатувчиларга кўра, митингда камида 63 минг киши қатнашган", дейилади хабарда.
Митинг ўтказилган жойда мобил алоқа билан боғлиқ жиддий муаммолар кузатилган. Тадбирда қамоқда сақланаётган Виктор Бабарико ва унинг ўғли Эдуард, Павел Северинц, Николай Статкевич, Дмитрий Фурманов, шунингдек Россияга қочиб кетган Валерий Цепкалолар номидан сўзлар айтилди. Бундан ташқари, драматург ва сценарий муаллифи Андрей Курейчик томошабинларга мурожаат қилди. У ҳамма "Ватанига, фарзандларига ва оилаларига бўлган муҳаббат туфайли" Халқлар дўстлиги майдонига тўпланганини айтди. "Севги бизни овоз беришга, дивандан туришга ва ҳамма нарсани қилишга мажбур қилади. Светлана Тихановская ҳам Сергей Тихановскийга бўлган муҳаббати туфайли шу ерда”, - дея қўшимча қилди Курейчик.
Тихановскаянинг ўзи тадбирга тахминан соат 20:00 да келди ва саҳнага чиқди. Аввал митинг иштирокчиларига беларус тилида, кейин эса рус тилида мурожаат қилди:
«Айтмоқчиманки, эрим одамларнинг кўзларини очди ва ўзгаришга умид қилди. У икки ойдан бери қамоқда. Менга ҳокимят керак эмас, лекин эрим панжара ортида. Мен болаларни яширишим керак эди. Мен чидашдан чарчадим, жим бўлишдан чарчадим, қўрқишдан чарчадим ”, - деди номзод.
Тихановскаянинг сўзларига кўра, Беларус ҳукумати бюджет маблағларини "муз саройлари, славян бозорлари" га сарфламоқда, аммо улар оддий одамлар ва касал болалар учун етарли эмас. "Нима учун бизнинг фаровонлигимиз учун пул фақат ҳокимият хоҳлаган нарсага берилади, ва кекса одамлар магистралларда ва ўтиш жойларида резавор меваларни ва пайпоқларни сотишга мажбур бўладими?" - деб сўради у.
Президентликка номзод унинг сиёсатда ҳокимият учун эмас, адолат йўлида бўлганини қайд этди. "Биз жамоаларни умумий мақсад - янги Беларусни қуриш учун бирлаштирдик. Аммо биз сизсиз буни қила олмаймиз. Сайловга келинг ”, дея қўшимча қилди у.
Тихановская агар у президент бўлса, учта нарсани амалга оширишга ваъда берди: сиёсий ва иқтисодий маҳбусларни озод қилиш, 1994 йил Конституциясини қайтариш бўйича референдум ўтказиш ва одамлар ўзлари кимга овоз беришни танлашлари учун олти ой ичида барча муқобил номзодлар иштирокида янги президент сайловларини ўтказиш.
Тадбир соат 22:00 атрофида якунланди. Сўнгги маърузачининг нутқидан сўнг иштирокчилар тарқалишни бошладилар, кейин хавфсизлик кучларининг автоуловлари ва автобуслари кўринди. Ҳибсга олинганлар ҳақида хабар берилмаган.
Жорий йилнинг 9 август куни Беларуциа президент сайловлари бўлиб ўтади. Марказий сайлов комиссияси беш кишини президентликка номзод сифатида рўйхатга олишга қарор қилди: Андрей Дмитриев, Анна Канопатская, Александр Лукашенко, Светлана Тихановская, Сергей Черечен. Амалдаги президентнинг асосий рақиблари деб ҳисобланган икки номзод (Бабарико ва Цепкало) рўйхатга олинмади.