Мисрда Рамазон ойида қилинадиган жамоавий ифторлар бу йил вақтинча тўхтатилади. Бу ҳақда мамлакатнинг хайр-эҳсон вазирлиги маълум қилди.
Ушбу чоралар мамлакатда коронавирус пандемияси тарқалишининг олдини олиш мақсадида амалга оширилмоқда.
Рамазон ойи жорий йил 23 апрелдан бошланиши тахмин қилинмоқда. Анъанавий рамазон амалларига жамоавий ифторлар, таровеҳ намозлари ўқишлар киради.
Бироқ ҳозирги глобал пандемия бундай ишлар амалга оширишга йўл қўймайди.
Шу пайтга қадар Мисрда 1322 нафар коронавирус юқтириб олган бемор аниқланган. Улардан 85 нафари вафот этган.