Мўғулистон банклари яқинда Россиянинг "Мир" тўлов тизимидан карталарни қабул қилишни бошлайди. Улардан Осиё республикасида харидлар учун тўловлар ва транзакцияларни амалга ошириш учун фойдаланиш мумкин, деб хабар беради "ТАСС" ахборот агентлигига иқтибос келтирган ҳолда Мўғулистон Атроф-муҳит ва туризм вазирлигининг туризм сиёсатини мувофиқлаштириш бўлими бошлиғи Туксгрлина Мунх-Ода.
Мутасаддиларнинг сўзларига кўра, маҳаллий ҳокимият органлари бу вазифани амалга ошириш бўйича асосий ишларни амалга оширган. Хусусан, Мўғулистон бу борадаги тайёргарлик босқичини деярли якунлади.
"Тез орада Россия банкларининг Мир тизимидаги карталари Мўғулистонда ишлай бошлашини эълон қилишдан хурсандман. Биз бу борадаги ишларнинг 80 фоизини Мўғулистон банклари билан бажариб бўлдик", — деди Мунх-Ода.
Қайси Мўғул банклари "Мир" карталарини қабул қилишни бошлашини айтишга ҳали эрта. Аммо бу чора россиялик сайёҳларга Осиё республикасида харидлар учун тўловларни амалга оширишда ҳам ёрдам беради, дея хулоса қилди у.