Москва – Фарғона йўналиши бўйича учган самолёт туман сабабли Наманганга қўнишга мажбур бўлди
31.01.2022 17:54,
60
"Уральские авиалинии" авиакомпаниясига қарашли Москвадан Фарғонага учган самолёт душанба куни Фарғонада туман туфайли Наманган аэропортига қўнишга мажбур бўлди, деб хабар берди РИА Новости “Uzbekistan airports” АЖ вакилининг маълумотига таяниб.
"Москва – Фарғона йўналиши бўйича учаётган "Уральские авиалинии" авиакомпаниясига қарашли SVR8317 рақамли рейс қуюқ туман сабабли белгиланган манзилга етиб кела олмади ва эрталаб соат 7:32 да Наманган аэропортига қўнишга мажбур бўлди", – деди Uzbekistan airports вакили.
Унинг айтишича, самолётдаги 227 йўловчининг ҳаммаси Намангандан Фарғонага автобусларда етказилади. Икки шаҳар орасидаги масофа 80 километр экани айтилмоқда.