27 май куни кучли шамол бўлгани сабабли Муборак тумани "Истиқлол" МФЙ "Янги Қорақум массиви"даги бир неча уйларнинг том қисмига зарар етди.
Аниқланишича, Жасур Раззоқов бошчилигидаги "Модернизациямахсусқурилиш" МЧЖ томонидан 2016 йилда қурилган уйлардан фақатгина учтасига зарар етган. Жароҳатланганлар йўқ.
Муборак ҳокими в.б. Улуғбек Эрназаров кучли шамол туфайли зарар кўрган намунали уйларга бориб, зарар кўрган хонадонлар фуқаролари Жасур Тошев, Ғуломжон Убайдуллаев, Мақсуд Акшаевлар билан учрашди. Тез орада муаммо тўлиқ бартараф этилади.
Маълум бўлишича, кучли шамол туфайли том қисми учиб кетган намунали уйлар ҳомийлар томонидан қайта таъмирланади.