Наманганда пастликка тушиб кетган "Дамас" ҳайдовчиси вафот этди

Наманганда пастликка тушиб кетган

Жорий йил 19 апрель куни соат 23:30 ларда, Чодак-Хонобод-Ғурумсарой йўлининг 12 км.да, Поп тумани Хонобод МФЙ ҳудудида, Дамас русумли автомашинани ишонч қоғози билан бошқариб кетаётган ҳайдовчи ҳаракат хавфсизлигини таъминлай олмай, йўлнинг чап томонига чиқиб кетиб, бошқарувни йўқотиб, пастликка ағдарилиб кетди. Бу ҳақда Наманган вилояти ИИБ Ахборот хизмати хабар қилди.

Натижада, ҳайдовчи оғир тан жароҳати олиб, воқеа жойида вафот этган. Ушбу ҳолат бўйича туман ИИБ ҳузуридаги ТБ томонидан терговга қадар текширув ҳаракатлари олиб борилмоқда.