2022 йилнинг январь-июнь ойларида Бухоро вилоятида асосий капиталга инвестицияларнинг иқтисодий фаолият турлари бўйича таркибида ташиш ва сақлаш фаолияти етакчилик қилмоқда. Ушбу тармоқда жами молиялаштириш манбалари ҳисобидан 3546,1 млрд. сўм ёки жами асосий капиталга киритилган инвестицияларнинг 29,1 % и ўзлаштирилган.

Шунингдек асосий капиталга инвестицияларнинг энг кўп инвестиция ҳажмлари ишлаб чиқарадиган саноатга 17,2 % (ёки 2 089,3 млрд. сўм), тоғ-кон саноатига 14,3 % (ёки 1744,0 млрд. сўм), қишлоқ, ўрмон ва балиқ хўжалигига 8,9 % (ёки 1083,3 млрд. сўм), уй-жой қурилишига 8,9 % (ёки 1082,6 млрд. сўм), электр энергияси ва газ таъминотига 8,3 (ёки 1016,0 млрд. сўм), қурилишга 2,8 % (ёки 343,2 млрд. сўм), улгуржи ва чакана савдо, моторли транспорт воситаларни таъмирлашга 2,7 % (ёки 329,6 млрд. сўм), сув билан таъминлаш, канализация тизими, чиқиндиларни йиғиш ва утилизация қилишга 1,5 % (ёки 176,7 млрд. сўм), соғлиқни сақлаш ва ижтимоий хизматлар кўрсатишга 1,4 % (ёки 174,0 млрд. сўм), таълимга 1,1 % (ёки 131,1 млрд. сўм), бошқа фаолият турларига 3,8 % (ёки 461,2 млрд. сўм) тўғри келади.