NASA 2040 йилгача астронавтларни Марсга қўндирмоқчи

NASA 2040 йилгача астронавтларни Марсга қўндирмоқчи

Бу ҳақда NASA раҳбари Билл Нельсон маълум қилди. Унинг сўзларига кўра, Марсда тадқиқотлар давом этмоқда: Perseverance марсоходи сайёранинг юзини ўрганаётган бўлса, унинг орбитасида автоматик сайёралараро станциялар Марснинг юзи ва атмосферасини таҳлил қилмоқда.

Қайд этилишича, NASA мутахассислари Ой ва Марсдаги ҳаётни таъминлаш масаласи билан шуғулланмоқда. "Бизнинг мақсадимиз — Ойдаги ҳаёт ва ишлаш ҳақидаги билимларимизни қуёш тизимидаги сайёраларни янада тадқиқ қилиш учун қўллаш", деди Нельсон.

Эслатиб ўтамиз, кеча АҚШ президенти Жо Байден 2023 молия йили учун бюджет лойиҳасини таклиф қилган эди. Унга кўра, NASA илмий тадқиқотлар, Ерни ўрганиш ва космик технологияларни ривожлантириш учун тахминан 26 миллиард доллар олиши мумкин.