«Навоий КМК» (НКМК) биринчи марта халқаро банклардан гаровсиз синдикатланган кредитни жалб қилди, дейилади ташкилот сайтида.
Кредит беш йилга берилди. Транзакция суммаси 1,2 миллиард долларгача етади. Маблағларни тақдим этишда JP Morgan&Chase, Citi, Societe Generale, CreditSuisse, ICBC Standard, Halyk Bank ва Deutsche Bank иштирок этмоқда.
«Маблағлар компаниянинг умумий корпоратив мақсадларига, шунингдек, инвестиция дастурини келгусида амалга оширишга йўналтирилади. Ушбу қадам НКМК АЖ учун жаҳон қарз капитали бозорлари билан ҳамкорликни ривожлантириш нуқтаи назаридан биринчи қадам бўлиб, компанияни келгусида еврооблигациялар ва IPO жойлаштиришга тайёрлайди», — дейилади хабарда.