Навоийда кучли ёмғир ва сел туфайли 300 киши эвакуация қилинди

Навоийда кучли ёмғир ва сел туфайли 300 киши эвакуация қилинди

Жорий йилнинг 13 май куни тахминан соат 2:30дан 4:30 гача бўлган вақт оралиғида Навоий вилояти Зарафшон шаҳрида кучли ёғингарчилик сабабли сел келиши кузатилган. ФВВнинг бирламчи маълумотларига кўра, сел оқибатида 4 хонадон қисман зарар кўрган.

Вазият юзасидан Навоий вилояти Фавқулодда вазиятлар бошқармасининг 9 та техникаси ва 70 нафар шахсий таркиби зудлик билан воқеа жойига етиб бориб, 300 нафар фуқарони хавфсиз ҳудудга эвакуация қилди.

Ўз вақтида кўрилган тезкор чоралар натижасида фуқароларнинг ҳаёти сақлаб қолинди, дейилади хабарда.