Навоийда йилига 30 минг автомобил ишлаб чиқарадиган корхона қурилади

Навоийда йилига 30 минг автомобил ишлаб чиқарадиган корхона қурилади

Навоий эркин иқтисодий зонасида яқин кунларда “Navoiy – motors” Ўзбекистон-Эрон қўшма корхонаси барпо этилади. Бу ҳақда UzA хабар бермоқда.

Умумий қиймати 12 миллион АҚШ долларига тенг бўлган ушбу лойиҳада Хитой “Oshan” бренди автомобилларини йиғиш режалаштирилган.

– Дастлаб, ички бозор учун замонавий йўл танламас, пикап, минивен каби кузовли автомобиллар йиғишни йўлга қўямиз, – дейди корхона бош технологи Афшин Шакери. – Йилига 30 минг дона автоулов ишлаб чиқариш қувватига эга корхонамизда 200 нафардан ортиқ янги иш ўринлари яратилади. Жорий йил якунига қадар ишга тушириш режалаштирилаётган заводнинг барқарор ишлаши учун солиқ ва божхона имтиёзларининг яратилаётгани айни муддао бўлмоқда.