Қозоғистоннинг собиқ президенти Нурсултон Назарбоев “Учинчи жаҳон уруши замонавий дунё учун сўнгги уруш бўлиши мумкин”лигини айтди.
Назарбоев Евросиё парламентлари спикерларининг 4-мажлиси доирасида айни баёнот билан чиққан.
“Миллат етакчиси”га кўра ҳозирда сайёрамиз хавфли нуқтага яқин турибди, агар Учинчи жаҳон уруши бошланадиган бўлса, унда замонавий оммавий қирғин қуроллари барча нарсани Ер юзидан супуриб ташлайди.
Шунинг учун Элбоши (Нурсултон Назарбоевнинг доимий расмий мақоми) қўрқувсиз ҳаёт кечириш, эртанги кун ва ёш авлоднинг келажагига ишонч билан яшаш учун зиддиятларга йўл қўймаслик кераклигига урғу берган. Бунинг учун инсоният ядро қуролларидан воз кечиб, Ердаги ҳаётни сақлаб қолиши мумкин, деган у.