Тошкент шаҳар Давлат меҳнат инспекцияси бугун, 17 май куни “NestОne” биноси ёнида содир бўлган тартибсизлик ҳолатини ўрганиб чиқди ва бунга маошлар кечикиши сабаб бўлганини маълум қилди.
Аниқланишича, “Ozguven Mimarlik Inshaat” МЧЖ ХКнинг 312 нафар ишчисига ҳамда “Ozguven Tasarim Mimarlik Insaat Sanayi Ve Ticaret” ПУнинг 427 нафар ишчисига 2022 йил апрель ойи учун маош ўз вақтида тўлаб берилмаган.
Аввалроқ, лойиҳа раҳбари Мурод Назаров бўлган воқеага муносабат билдириб, одамларнинг тўпланиши бинода тайёрланган ош билан боғлиқ эканлигини айтганди.