Дунёга машҳур New York Times нашри Тошкент метрополитени ҳақида фото материал тайёрлабди. Мақолада биз ҳар куни кўриб ўрганиб қолган метро станцияларимизнинг кўпчилигида Собиқ иттифоқ ғоялари акс этгани очиб берилган:
Тошкент метрополитени дунёда энг кўп безатилган метрополитенлардан биридир. Кўплаб станциялар бутунлар мозаикалар ва турли нақшлар билан безатилган. Яқин вақтларгача, метро ташқи дунёдан энг кўп узилган ҳудуд бўлиб келган.
2016 йилга келиб, Президент Шавкат Мирзиёевнинг ислоҳотларига қадар метро миллий хавфсизлик кучлари томонидан қўриқланадиган, ҳатто расмга ҳам олиш мумкин бўлмаган стратегик жой деб ҳисобланган.
Тошкент Метрополитени 1977 йилда очилган бўлиб, Марказий Осиёдаги иккита ер ости транспортининг бири ҳисобланади. Иккинчи метро Қозоғистоннинг Олма-ота шаҳрида жойлашган.
Совет иттифоқи парчаланиб кетганидан сўнг кўплаб метро бекатларининг номлари ўзгартирилган.
Масалан, Октябр революцияси бекати – Амир Темурга, Максим Горкий станцияси эса Буюк ипак йўлига ўзгартирилган.
Лекин, баъзи станциялар ҳалигача ҳам Совет ғояларини эслатиб туради. Масалан Космонавтлар метро бекати.
Шунингдек, Пахтакор бекатида ҳам деворлар ва устунларга Ўзбекистон пахтасининг мозаик чизмалари чизилган.
Алишер Навоий метрополитени эса, Навоий Хамса асарига ишланган миниатюралар билан безатилган.
Мақолада, шунингдек Ислом Каримовнинг 27 йиллик ҳукмронлиги даврида мамлакатда қандай ёпиқ сиёсат олиб боргани, кўпгина чет элликларнинг мамлакатга кира олмагани ҳақида сўз боради. 2016 йилдан Шавкат Мирзиёев ҳукуматга келиси билан сайёҳлар оқимини кўпайтиришга киришди. Бунинг натижасида, 2018 йилда мамлакатга ташриф буюрган сайёҳлар сони 6, 4 миллион кишига етди.
Стефен Ҳилтнер
Суратлар муаллифи: Даниелле Вилласана, мустақил фото журналист