Нидерландиядаги мўйна ишлаб чиқариш фабрикасида норкадан одамга янги турдаги коронавирус юқиш ҳолати қайд этилди. Бу ҳақда мамлакат қишлоқ хўжалиги вазири парламентга йўллаган хатида маълум қилди.
Апрел ойида Шимолий Брабант вилоятидаги 2 та мўйначилик фермасидаги норкаларда Covid-19 қайд этилган. У ерда бундай ҳайвонлардан 20 мингги боқилади. Фермер хўжаликларининг ўзи мамлакатдаги Covid-19 тарқалиш ўчоғида жойлашган.
Таъкидланишича, норкалар касалликнинг аломатлари аниқлангандан кейин синовдан ўтган. Хусусан, улар нафас олишда қийналишган.
Шундан кейин ҳокимият эҳтиёт чоралари сифатида фермер хўжаликларига киришни чеклаб қўйди.