Nike Россия бозорини бутунлай тарк этади
23.06.2022 18:10,
532
Спорт кийимлари ва пойафзаллари ишлаб чиқарувчи Nike (АҚШ) ўз веб-сайтида Россия бозоридан якуний чиқишини эълон қилди.
Nike Inc. Россия бозорини тарк этишга қарор қилди. Натижада, нике.cом ва Nike мобил иловаси бу ҳудудда ишламайди. Nike дўконлари яқинда ёпилди ва қайта очилмайди», — дейилади компания баёнотида.
Nike ўз маҳсулотларини харидорларга етказиб бера олмагани учун март ойи бошида Россияда онлайн савдони тўхтатган эди. Республикада жами 116 та монобренд дўконлари фаолият юритган.
Шу йилнинг май ойи охирида Nike Inventive Retail Group билан франчайзинг шартномасини узайтиришдан бош тортди. У мамлакатдаги энг йирик ягона брендли дўконлар тармоғига эгалик қилган.