Молия вазирлиги мутахассислари ЎзА саволларига жавоб берди.
— Ҳеч кимга сир эмас, барча пенсия ва ижтимоий нафақалар ҳажми минимал ижтимоий харажатлар ҳажмига кўра белгиланмоқда. Шу минимал истеъмол харажатлар ҳажми эса соғлом ҳаёт кечириши учун зарур бўлган озиқ-овқат ва ноозиқ-овқат маҳсулотлар ҳамда хизматларнинг қиймати асосида шакллантирилади. Шунингдек, инфляция ва нарх-навонинг ўзгаришига кўра мувофиқлаштирилган. Мазкур моддий ёрдамларнинг асл моҳиятида нарх-наводаги ўзгаришларни конпенсация қилиш аҳолининг эҳтиёжманд қатламига таъсирини юмшатиш билан боғлиқ.
Статистик маълумотларга қараганда, истеъмол нархларининг юқорилиги бўйича Тошкент шаҳри лидер ҳисобланади. Шу жиҳатларни инобатга олиб, ушбу тарзда белгилаш маъқул деб топилди. Асосий мақсад нарх-навонинг таъсирини юмшатиш бўйича кўрилган чоралардан бири дейиш мумкин.