Нишонда 2 та «Lacetti» тўқнашди. Машиналардан бири ёниб кетди
19.03.2022 08:24,
39
2022 йил 17 март куни соат 20:30 ларда Нишон туман Нуристон маҳалласидаги кўчада «Lacetti» русумли автомашинада ёнғин чиқди. Бу ҳақда Қашқадарё вилояти ИИБ маълумот берди.
Маълум бўлишича, фуқаро Ю.Б бошқарувида бўлган «Lacetti» русумли транспорт воситасини бошқариб бориб, қарама-қарши йўналишдан ҳаракатланиб келаётган Ш.Б бошқарувида бўлган «Lacetti» русумли транспорт воситаси билан тўқнашиб кетиши оқибатида машинада ёнғин келиб чиққан.
Ушбу ЙТҲ натижасида ҳеч ким тан жароҳати олмаган. Ҳозирда мазкур ҳолат юзасидан Нишон туман ИИБ ЙҲХБ томонидан суриштирув ҳаракатлари олиб борилмоқда.