Норвегияда товар ва хизматлар нархи сўнгги 12 ой ичида ўртача 6,3 фоизга ошди, бу 1988 йилдан бери энг юқори кўрсаткичдир. Бу ҳақда душанба куни қиролликнинг Марказий статистика бюроси (SSB) маълум қилди.

«Июнь ойида йиллик инфляциянинг янада тезлашишига биринчи навбатда ёқилғи ва озиқ-овқат нархларининг кўтарилиши ёрдам берди, иккинчиси охирги ойнинг ўзида 2 фоизга ошди», деди SSB матбуот котиби Эспен Кристиансен. Норвегияда озиқ-овқат нархлари июнь ойида «ноодатий даражадан юқори» даражага етди, деди у.

Аввалроқ Норвегия Марказий банки асосий ставкани икки баробарга оширди (1,25 фоизгача) ва инфляция туфайли унинг янада ошишини башорат қилган эди. Қиролликда ўтган ой А95 бензинининг нархи тарихда биринчи марта литри учун 27 кронга (тахминан 2,97 доллар) етди.