"Ўзатом" агентлиги Энергетика вазирлиги таркибига ўтказилди

"Ўзатом" агентлиги Энергетика вазирлиги таркибига ўтказилди

Вазирлар Маҳкамаси ҳузуридаги Атом энергетикасини ривожлантириш агентлиги келгусида Энергетика вазирлиги ҳузуридаги Атом энергетикасини ривожлантириш агентлиги этиб қайта ташкил этилди ва вазирлик тузилмасига ўтказилди. Бу Президентнинг "Ўзбекистон Республикаси ёқилғи-энергетика тармоғини бошқариш тизимини тубдан такомиллаштириш чора-тадбирлари тўғрисида"ги фармонида кўзда тутилган.

Шунингдек, Вазирлар Маҳкамаси ҳузуридаги Ўзбекистон нефть маҳсулотлари ва газдан фойдаланишни назорат қилиш давлат инспекцияси Нефть маҳсулотлари ва газдан фойдаланишни назорат қилиш инспекцияси этиб;

Вазирлар Маҳкамаси ҳузуридаги Электр энергетикада назорат бўйича давлат инспекцияси Электр энергетикада назорат инспекцияси этиб қайта ташкил этилиб , вазирлик тузилмасига ўтказилиши белгиланди.

Вазирликнинг асосий вазифаси ёқилғи-энергетика тармоғида ягона давлат сиёсатини амалга ошириш ҳисобланади.

Ҳужжатга мувофиқ, “Энергия тежаш миллий компанияси” акциядорлик жамияти тугатилди.