«Ўзавтосаноат» активлари аукционда сотувга қўйилади

«Ўзавтосаноат» активлари аукционда сотувга қўйилади

«Ўзавтосаноат»нинг бир нечта компаниялари бирламчи оммавий жойлаштириш (ИПО)га қўйилади. Spot’нинг хабар беришича, бу ҳақда «Ўзбекистон Республикаси автомобил саноатини жадал ривожлантиришга оид қўшимча чора-тадбирлар тўғрисида»ги Президент қарорида келтирилган.

Қарорда «Ўзавтосаноат» компанияси таркибига кирувчи камида иккита акциядорлик жамияти акцияларини маҳаллий ва халқаро фонд бозорларида бирламчи оммавий жойлаштириш (ИПО) орқали инвесторларни жалб этиш топширилган.

Шунингдек, тижорат банклари билан биргаликда мамлакатда ишлаб чиқариладиган автомобилларни маҳаллийлаштириш бўйича лойиҳаларни молиялаштириш учун хорижий банклар ва экспорт-кредит агентликларининг имтиёзли кредит линияларини жалб этилиш вазифаси берилган.

Янги лойиҳаларни ишга туширилиш учун хорижий банклар, экспорт-кредит агентликлари, шунингдек, инвестиция компаниялари ва жамғармалари ҳисобидан камида 700 миллион доллар маблағ жалб этилади.

4685