Айни пайтда «Ўзбекистон» ва «Ўзбекистон 24» телеканаллари орқали Ўзбекистон Президентининг парламентга Мурожаатнома тўғридан-тўғри намойиш этилмоқда.
Президент ўз нутқида янги солиқ сиёсати ҳақида тўхталиб ўтди.
«Солиқ маъмуриятчилиги шундай бўлиши керакки, қўшилган қиймат солиғи кенг жорий қилинса ҳам, бу ҳолат истеъмол товарларининг нархи ўсишига олиб келмаслиги зарур.
Инсофли, ҳалол солиқ тўловчи тадбиркорларга рағбатлантириш чоралари кўрилади, аммо бундан кейин ҳам солиқ тўлашдан бўйин товлаб юрадиган, яширинча фаолият олиб борадиган, қора бозорда ишлайдиган тадбиркорларга жазо чоралари эса қаттиқ бўлиши керак.
Келажакда ҳамма бир хил бўлади. Фалон фирма, фалон ташкилотга преференциялар берсак, ривожланиш бўлмайди. Шунинг учун солиқ имтиёзларини босқичма-босқич бекор қилишимиз керак», — деди Президент Шавкат Мирзиёев.