Ўзбекистонликлар Марказий Осиёда энг узоқ умр кўрадиган миллат

Ўзбекистонликлар Марказий Осиёда энг узоқ умр кўрадиган миллат

Ўтган асрнинг ўрталари билан таққослаганда, одамлар 22 йил кўпроқ умр кўришмоқда. Бу ҳақда Lancet журналида Global Burden of Disease ​тадқиқотлари эълон қилган.

Экспертларнинг фикрича, 1950 йилдан 2017 йилгача бўлган давр ичида эркакларнинг ёши — 48 ёшдан 70,5 ёшгача, аёлларда эса 53 ёшдан 76 ёшгача ошган.

Марказий Осиёда ўзбекистонликлар узоқ умр кўришар экан — 73,8 ёш. Тожикистонликлар салкам 1 ёш камроқ - 73,7. Қозоғистонда — 72,4. Қирғизистон ва Туркманистонда эса кўрсаткич — 70,9 ва 70,4 ёшни ташкил қилади.

Дунёда энг узоқ умр кўрадиганлар гонконгликлар — 84,3 ёш, Японияда — 83,8, Италияда 83,5 ёш. Германияда ўртача умр кўриш — 80,6 ёш, АҚШда — 78,6 ёш, Хитойда эса 76,2 ёш.

Туркияда одамлар ўртача — 75,7 йил, Россияда — 71,5 йил умр кўришар экан. Энг кам умр кўриш Муғулистонда экан — 62,2 ёш.