ОАВ: АҚШнинг Суриядаги ҳаво зарбаси натижасида ИШИД раҳбарларидан бири ўлдирилган
9.03.2016 15:22,
5
ИШИД раҳбарларидан бири Абу Умар аш-Шишаний АҚШ томонидан Сурия ҳудудида берилган ҳаво зарбаси оқибатида йўқ қилинган бўлиши мумкин. Бу ҳақда CNN хабар тарқатган. АҚШ ҳарбийлари аш-Шишанийни ИШИДнинг ҳарбий вазири деб билишади.
Умар аш-Шишанийнинг иккинчи номи Умар Чеченский бўлиб, очиқ маълумотларда у 1986 йили Грузияда туғилган Тархон Батирашвили экани айтилган. Ўтган йили ҳам унинг ўлдирилгани ҳақида хабар тарқалган, яна бир сафар эса у қўлга олингани айтилган, лекин икки хабар ҳам тасдиқланмаганди.
"Биз уни ўлдирганимизга амин эдик. Менга одамларим уни ерда жонсиз ҳолда ётгани суратини юборишганди. Лекин у тирик қолган экан", деб ёзганди 2015 йилнинг декабрида Чеченистон раҳбари Рамзан Қодиров.