Президентлик сайловлари яқинлашгани сайин, Дональд Трампнинг Россия ва Владимир Путин борасида билдираётган фикрлари кескинлашмоқда, деб ёзади Huffington Post нашри.

Ярим йил олдин эса Путин ва Трамп ўзаро мақтовлар билан алмашишган эди. Декабр ойида бўлиб ўтган матбуот-анжумани вақтида Россия раҳбари Трампга "ёрқин, талантли ва буюк инсон" дея таъриф берган эди. Бунга жавобан америкалик миллиардер "Россия ва унинг сарҳадларида катта ҳурмат-этиборга эга бундай инсондан мақтов сўзларини эшитиш" у учун шараф эканлигини маълум қилган эди. Аммо, Республикачилар партиясидан АҚШ президентлигига ягона номзоди сўнги вақтларда Россияга нисбатан қарашлари ўзгарди, деб ёзади нашр.