Американинг Тесла компанияси асосчиси Илон Маскнинг онаси Мей Маск бузилган машинани тузатаётган ёш Илоннинг суратини ўзининг Twitter'ида намойиш қилди.
“1995 йил. Одамлар ҳали ҳам сен машиналар тўғрисида ҳеч балони билмайсан дейишарди”, - деган сўзларни ёзиб қолдирган Маск хоним. Твит 32 мингдан ортиқ лайк йиғган.
Илон Маск эса ушбу твитга жавобан шундай дейди: “Мен автосервисга тўлаш учун пулим йўқ эди, шунинг учун мен машиналар чиқиндихонасидаги деталлар ёрдамида уни деярли қайтадан йиғиб чиқдим. Мен расмда синган ойнани алмаштираётган эдим ва бу шунчаки кулгили”.
Ишбилармондан ойнани қандай синдириб қўйишганини сўрашганида, у кимдир тахминан $20 турадиган радиони ўғирлаш учун ойнани синдирганини сўзлаб беради. “Ўрнига қўйиш учун ойнани ҳам ахлатхонадан топганман. Умуман, ахлатхонада бутун деталларни жуда кўп топиш мумкин. Машиналарни таъмирлаш эса жуда қизиқарли”, - дейди Маск.