ОФК Кубоги саралаши. Ўзбекистон миллий жамоаси гуруҳдаги рақибларини билиб олди
24.02.2022 12:53,
142
2023 йилда Хитой майдонларида бўлиб ўтувчи ОФК Кубогининг якуний саралаш босқичига қуръа ташланди.
Ўзбекистонлик ОФК футбол тадбирлари бўлими бошлиғи Аваз Бердиқулов томонидан ўтказилган қуръада Ўзбекистон миллий жамоаси «C» гуруҳидан ўрин олиши маълум бўлди.
Ушбу гуруҳда «оқ бўрилар»га Таиланд, Мальдив ороллари ва Шри Ланка рақиблик қиладиган бўлди.
Эслатиб ўтамиз, Ўзбекистон миллий жамоасининг Осиё Кубоги саралашидаги учрашувлари Наманган шаҳридаги «Марказий» стадионида бўлиб ўтади. Миллий жамоа ўйинлари 8, 11 ва 14 июнь саналарида бўлиб ўтиши режалаштирилган.