Саратон пайдо бўлишига мойил кишиларда қалқонсимон безларнинг смартфондан нурланиши касалликнинг ривожланишини тезлиштириш қобилиятига эга, деб хабар қилди Medical Xpress. Мутахассислар бу соҳада келгусидаги тадқиқотлар айни касалликка олдиндан ташхис қўйишга ёрдам беради, деб ишоняпти.
Йел университети олимлари 900 га яқин беморда текширув ўтказиб, юқори генетик сезгирликка эга инсонларда мобил қурилмалардан олинган нурланиш саратон каби онкологик дардлар келиб чиқиш хавфини 2 баравар ошириб юборишини аниқладилар.
Қайд этилишича, бундай турдаги тадқиқот биринчи марта ўтказилган. Олимларнинг сўзларига кўра, бу йўналишда келгусидаги ишлар қалқонсимон безлари саратонга чалиниши эҳтимоли катта бўлган беморларнинг хавфли гуруҳини аниқлашга ёрдам беради. Натижада касаллик ривожланишининг илк босқичларида ундан хабар топиш имкони бўлади.
Аввалроқ саратон ҳужайралари ривожланмаслиги учун кўк чой ичиб юриш фойдали экани ҳақида хабар берилганди. Бунда кўк чой ўта иссиқ бўлмаслиги, суюқликнинг ҳарорати 60℃ ошмаслиги лозим. Шунингдек, унга бироз занжабил ва мурч қўшиб ичса ҳам бўлади. Кўк чойни бу усулда ичиш ўсимталарга қарши даволашда фойдали эканлиги тан олинган.